Медиумите и електронските средства предизвикуваат зависност и тие се веќе дел од најновата класификација, од јануари 2022-ра година во светот, како 11-та класификација на психолошки болести и растројства, изјави во вечерашната Топ Тема, проф. др Насер Дурмиши од универзитетската клиника за психијатрија.
„Има цела нова категорија на заболувања и растројства, каде се работи само за медиумите и електронските средства, посебно телефоните и социјалните медиуми. И цела низа дијагнози кои се врзани за тоа. Тоа е цел нов ентитет на патологија, која порано не сме ја знаеле ниту пак имале поставено во категоризацијата на заболувања и растројства, коај сега е веќе реално“ – изјави Дурмиши.
Секако дека овој тип на девијации и социо-патолошки појави предизвикуваат проблеми за индивидуалното здравје, но и за општественото здравје, оцени професорката на Филозофскиот факултет, Татјана Стојаноска Иванова.
Лилјана Пецова Илиеска, експерт за приватност и интернет, според истражување правено со млади лица, на возраст од 14 -15 години, во нашата држава, било утврдено дека 61% ги користат социјалните медиуми за следење на трендови ( мода, облека, музика, филмови и др); не помал е процентот на оние кои ги користеле за да договараат средби со пријатели, за споделување слики или видеа. 25 % од испитаниците, од младите луѓе изјавиле дека ги користат и за создавање нови пријателства, од кои 7% биле возрасни луѓе.
„Каде е веќе моментот на доедукација на тие малолетници, кој е ризикот од интернетот и ризикот од содржините кои може да се случат, како продукција и дистрибуција на недолична содржина“ – вели Пецова-Илиеска.
Студентот Бленди Ходаи, социјалните медиуми и дигитализацијата, како и многу други појави, имаат свои добри, но и лоши страни.
„Од нас сега зависи, како сакаме да ги користиме. За добри цели или за негативни цели. Професорите, општеството треба да ги едуцира младите луѓе, како е најбезбедниот начин да се користат овие алатки. Често на социјалните медиуми младите луѓе се изложуваат и на ставови кои се однапред со предрасуди и знаат да ги формираат своите мислења врз основа на нив“ – вели Ходаи.