Кадетската ракометна репрезентација на Македонија во машка конкуренција на крајот од овој месец ќе настапи на елитниот меѓународен турнир „Шпаркасен Куп“, што ќе се одржи во градот Мерциг во Германија.
Нашиот тим, кој е предводен од селекторот Раде Стојановиќ ќе се натпреварува во групата Б заедно со Германија, Холандија и Австрија.
Натпреварите се играат во два дена и ќе се игра два пати по 25 минути. На 27 декември, Македонија ќе ги одмери силите со Австрија. Следниот ден на 28-ми, нашите кадети ги очекуваат два дуели. Прво се среќаваме со Германија претпладне во 11:20 часот, а потоа во 16.40 часот ќе играме и со Холандија.
Оваа генерација на ракометари изминатото лето оствари голем успех и го освои ЕХФ шампионатот во Рига со што обезбеди учество на следното Европско првенство.
