Таравари на средба со Ковачевски – по понудата ќе се одлучува дали ќе станат дел од владејачкото мнозинство

В.д. претседателот на Алијанса за Албанците Арбен Таравари добил покана од премиерот Димитар Ковачевски за средба денеска во Владата во 12 часот.

Неофицијално, премиерот на маса ќе изнесе предлог – понуда до опозициската партија за влез во Владата.

Од Алијанса за Албанците, за Коха неофицијално велат дека досега не е разговарано за конкретни позиции и дека се во очекување да видат за што се работи и какви планови има премиерот Ковачевски.

Од партијата не откриваат каков ќе биде ставот на Таравари.