Ќе се преиспитува содржината на учебникот по историја за седмо одделение. Како што соопштија од Министерството за образование и наука (МОН), примени се повеќе претставки дека одредени податоци и информации не соодветствувале со научната реалност.
Со одлука на министерот Јетон Шаќири е формирана комисија која во законски рок од 10 дена треба да констатита дали забелешките се основани или не и доколку се, тогаш да достави предлог за повлекување на учебникот.
„Во зависност од обемноста на материјата која треба да се преработи, ќе биде донесена одлука за корекција на постојниот или за израбока на целосно нов учебник по соодветниот предмет“, соопшти МОН, без да прецизира за што конкретно се однесуваат претставките за учебникот.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.