По првата фаза од Европското првенство во кошарка објавен е интересен статистички податок според кој најголем број на поени во овој сегмент од натпреварувањето постигнале Американците.
Натурализираните играчи во националните тимови кои доаѓаат од САД на шампионатот постигнале вкупно 656 поени што е за 172 повеќе од репрезентацијата на Србија додека на третото место е Словенија со 464.
Од натурализираните кошаркари најефикасен со 75 поени е Тод Мекфаден кој настапува за Грузија, а идентичен учинок има и Џон Роберсон од Босна и Херцеговина. Меѓу петте најдобри со 70 поени е Ди Бост од Бугарија и Кендрик Пери со 66, кој своевремено настапуваше и во првенството на Македонија, а сега го носи дресот на Црна Гора.
Во оваа категорија не влегува играчот на Далас, Тајлер Дорси кој настапува за Грција бидејќи неговата мајка е Гркинка, а во првата фаза постигна 76 поени.
ФОТО: Игор Паневски