От Танак е победник на релито Белгија што се бодува за Светскиот шампионат.
Естонецот по комплетирањето на дваесетте брзински испити на крајот имаше за пет секунди подобро вкупно време во однос на Елфин Еванс од Велика Британија додека трет со заостанување од минута и 41 секунда беше Финецот, Есапека Лапи.
Настапот во Белгија меѓу петте најдобри го завршија Оливер Солберг од Шведска и Јапонецот, Такамото Катсута.
По девет одржани натпреварувања од вкупно 13. во текот на сезоната на чело во генералниот пласман е Кале Рованпера од Финска со 203 бода, 52 повеќе од Танак додека трет е Еванс со 116.
Следното натпреварување ќе се одржи во Грција, а релито Акрополис е на програмата од осми до 11 септември.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.