Вицепремиерот за европски прашања е против референдум за одобрување на преговарачката рамка. Смета дека двотретинско мнозинство во Парламентот ќе биде доволно за да се даде легитимитет на процесот.
Маричиќ потсети на референдумот од 2018-та година, кој беше бојкотиран и за кој вели дека е „научена лекција“.
Опозицискиот лидер, пак, не се откажува од идејата за граѓанско изјаснување која вечерва ќе ја анализира и со Извршниот комитет на партијата.
На референдумот, според најавите, граѓаните ќе треба да се изјаснат дали ја прифаќаат преговарачката рамка заедно сосе билатералниот договор со Бугарија, но конкретното прашање допрва ќе се формулира.
Далиборка Демјанска Цветановска