На референдумот што го најавија од ВМРО ДПМНЕ, граѓаните ќе се изјаснуваат за тоа, дали ја прифаќаат преговарачката рамка сосе билатералниот договор со Бугарија, но не и за менување на Уставот.Највисокиот правен акт нема да биде променет, а Бугарите нема да бидат во него, убедува партискиот лидер, Христијан Мицкоски. Тврди дека маханизмот не е задоцнет.
Премиерот, пак, само еден ден по враќањето од Брисел, тврди дека веќе ги собираме плодовите од дипломатските чекори на неговата влада. Денеска потпиша договори за изградба на првата и втората фаза од железничката пруга кон Бугарија, проект на кој се работи 29 години.
Пругата кон Бугарија е константно ветување во сите изборни циклуси од осамостојувањето наваму. Оптимистичките прогнози на оваа влада се дека ќе биде завршена во 2027-та година.
Далиборка Демјанска