Роберт Голоб, Словенечкиот премиер изјави дека енергетската солидарност е единствениот начин Европската унија да избегне редукции во текот на престојната зима, а недостигот од руски гас да се компензира преку намалување на негово трошење за производство на електрична енергија.
Доколку членките би обезбедиле струја од други извори за Германија, Италија и Холандија кои се големи потрошувачи на електрична енергија произведена од гас, а за што постојат реални можности, преку паневропска солидарност и синергија отсуството руски гас може да мине без енергетски рестрикции, цени словенечкиот премиер.
Словенечката Влада вчера донесе уредба за регулирање на цената на струјата на малите домаќинствата од 1 Септември, со што тие ќе плаќаат пониски цени.
Голоб најави дека наредната седмица Владата ќе донесе слична одлука за регулирање на цените на гасот.
Тој исто така повика на штедење и рационално користење на енергијата, како и создавање резерви на гориво кај производителите на енергија.