Ковачевски за францускиот предлог – Историските прашања и протоколот со Бугарија нема да бидат дел од преговарачката рамка со ЕУ

Македонските забелешки се содржани во францускиот предлог за преговарачката рамка, изјави вечерва премиерот Димитар Ковачевски.

Тој не откри конкретно детали од францускиот модифициран предлог, но потврди дека историските прашања нема да бидат дел од преговарачката рамка, како и дека протоколот за спроведување на договорот за добрососедство со Бугарија исто така нема да биде дел од францускиот предлог.

„Во однос на историските прашања, едно од нашите барања беше дека историските прашања не може да бидат дел од преговарачката рамка и тоа барање е содржано во овој предлог документ кој е стигнат во министерството за надворешени работи. Протоколот исто така нема да биде дел од преговарачката рамка“ – вели Ковачевски.