Пратеникот Скендер Реџепи останува поддржувач на парламентарното мнозинство „се` додека владата се залага да го почне реализирањето на програмскиот договор со Алтернатива“.
„Јас ќе бидам тука, со убедување дека има и време и капацитет да се реализира истата“, вели во одговор за Телма, пратеникот кој е од приватни причини надвор од државата. За одлуката, да делува независно во Собранието, а со тоа и да ја напушти партијата чиј основач е, вели дека, не била лесна, но била неминовна.
Од партијата не се изненадени од потегот на Реџепи, кој веќе некое време не се ни појавувал на партиските состаноци и не учествувал во работата на партиските органи.Но, бараат да го врати мандатот иако и тие не очекуваат дека тој ќе го смени политичкиот курс.
Со напуштањето на Реџепи, пратеничката група на Алтернатива останува со тројца пратеници. Имаат и тројца министри, заменици министри, како и десетици директорски позиции.
Далиборка Демјанска