Протестите во Еквадор ќе продолжат се додека претседателот Гилермо Ласо не ги реши економските и еколошките проблеми на земјата, изјави домородниот водач Леонидас Иса откако вчера беше пуштен од затвор. Тој беше во притвор околу 24 часа, откако владата соопшти дека води блокади на патиштата и други акти на насилство кои го запреле јавниот превоз, објави Ројтерс. Адвокатот на Иса рече дека неговиот притвор е незаконски, но владата рече дека тој ќе оди на суд. Дотогаш тој беше пуштен со кауција.
Се додека не се решат најболните проблеми, ќе продолжиме да ја водиме оваа битка која е уставна“, напиша Иса во изјавата на социјалните мрежи.
Патиштата северно и јужно од главниот град Кито се блокирани од понеделникот од демонстрантите кои бараат од претседателот да ги замрзне цените на бензинот, да прогласи мораториум на долговите на малите стопанственици и да го ограничи растот на нафтената и рударската индустрија. Протестите беа придружени со рации на нафтени полиња, палење на полициски автомобили и приведување на полицајци. Иса рече дека протестите ќе бидат неодредени. Еквадорците се многу свесни за трошоците за живот, изјави за медиумите портпаролот на домородните организација Екуарунари. Сакаме претседател кој ќе се преориентира да му служи на народот, изјави Карлос Сукусанаи.