Од утре се очекува поскапување на горивата до 10 денари. Ова го покажуваат пресметките на познавачите. Причината за ваквиот скок е тоа што од утре, повеќе нама да има намалено ДДВ за течни горива. Нема да се намалува ниту акцизата која со владините мерки во зависност од светските берзи паѓаше за 1 до 3 денари.
Владата на денешната седница не ги продожи заштитните мерки од ценовни шокови.
Експертите претходно предупредија дека ако не се преземе нешто откако ќе престане нивната важност, цените нагло ќе пораснат, а тоа ќе се одрази врз стандардот на граѓаните, инфлацијата ќе се зголеми, но од друга страна ќе се полни буџетот.
Од опоцизијата претходно предложија, со законски измени ДДВ за течни горива до крајот на годинава да биде 5 отсто.
Како превенција од раст на цените на горивата, на почетокот на март Владата одлучи ДДВ за течни горива да го намали од 18 на 10 отсто , надолна корекција имаше и кај акцизата.
Инаку , сериозни скокови кај цените на горивата беа евидентирани на почеткот на годинава како последица од разгорувањето на руско украинскито конфликт. Според прогнозите ниту годинава не се очекув некоја стабилизација.
Ирена Чачкова