СЗО: Мајмунски сипаници не е геј болест, секој може да се зарази

Секој може да се зарази со мајмунски сипаници, ако е во близок контакт со заболената личност, или е во допир со инфицирана постелнина или облека, велат од СЗО. Од светската организација истакнуваат дека со болеста се запознаени веќе 40 години, кога за првпат се појавила во западна Африка, каде луѓето главно биле заразени од дивите животни и приматите. Болеста одамна се нема проширено надвор од границите на Африка, а сега откако се појави во Европа и САД е предмет на внимателно набљудување од страна на епидемиолозите.