Турскиот министер за надворешни работи Мевлут Чавушоглу в среда ќе го посети Израел. Ова ќе биде прва посета на турски министер за надворешни работи во Израел во последните 15 години. Веќе некое време двете земји продолжуваат да ги обновуваат своите односи, потсетува Сабах.
Чавушоглу неодамна објави дека планира да го посети Израел на 25 мај за да се сретне со израелскиот колега Јаир Лапид. Чавушоглу планира да ги посети и палестинските територии, ден пред посетата на Израел.
Во последните недели Турција и Израел работеа на зајакнување на долгогодишните врски, а енергијата се појавува како потенцијална област за соработка.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.