Зборувајќи во Белата куќа, шведската премиерка Магдалена Андерсон рече дека апликацијата на нејзината земја во НАТО означува „историски момент“ по 200-годишната воена независност на нејзината земја.
Андресон го поздрави „длабокото и долгогодишно пријателство“ со САД и заедничките вредности на демократијата и слободата, но вели дека тие вредности „сега се ставени на тест“.
Ситуацијата во Украина не потсетува „на најтемните денови од европската историја“ и во „мрачни времиња е одлично да се биде меѓу блиски пријатели“, вели таа.
Според Андресон, НАТО ќе биде посилен со Шведска и Финска како членки.
„Ние сме обезбедувачи на безбедност, со софистицирани одбранбени способности, како и со „долга традиција на обемна воена соработка со НАТО“, рече шведската премиерка.
Шведска со нетрпение очекува брз процес на ратификација, вели таа, и разговара со сите земји-членки на НАТО, вклучително и Турција – која се противи на финското и шведското членство – за да се решат сите прашања.
На истата средба со Бајден во Белата Куќа е и фиснкиот претседател Саули Ниинисто кој рече дека Финска е подготвена да разговара со Турција за нејзината загриженост во врска со приклучувањето на земјата во НАТО.
Турција, долгогодишна членка на НАТО, вели дека ќе го блокира приклучувањето на Финска и Шведска во алијансата. Нејзиниот претседател Ердоган вели дека тие ги поддржуваат забранетите курдски групи.
Ниинисто директно се осврнува на овие приговори и вели дека Финска целосно ќе се посвети на безбедноста на Турција, доколку и се приклучи на алијансата.
„Го сфаќаме тероризмот сериозно, го осудуваме тероризмот во сите негови форми и активно сме ангажирани во борбата против него“, рече тој.
Ниинисто додава дека „отворени и конструктивни“ дискусии со Турција веќе се во тек и ќе продолжат во наредните денови.
Американскиот претседател Бајден силно ја поддржува кандидатурата на Шведска и Финска за влез во НАТО. Во својот говор тој рече дека двете земји ги исполниле сите барања, а потоа и некои други.