Украинскиот претседател Володимир Зеленски ја пофали „натчовечката сила“ на украинските војници во борбата против руската армија.
„Благодарен сум на сите наши заштитници кои возвраќаат и покажуваат навистина натчовечка сила“, рече Зеленски во своето секојдневно видео обраќање доцна навечер, истакнувајќи дека Украинците се борат „некогаш втората најсилна армија во светот“.
Украинскиот претседател останува внимателен да дозволи какво било чувство на еуфорија или „прекумерна емоција“.
„Нема потреба да се создава атмосфера на специфичен морален притисок кога се очекуваат одредени победи на неделна, па дури и дневна основа“, рече тој.
Зеленски се повика на извештаите на военото раководство во вторникот за враќање под украинска контрола на дел од територијата во близина на градот Харков во источна Украина.
Украинските сили „постепено“ ги протеруваат окупаторите од регионот, рече Зеленски.
„Вооружените сили на Украина прават се за да ја ослободат нашата земја и нашиот народ“, рече тој.
„Ќе бидат ослободени сите наши градови – Херсон, Мелитопол, Бердјанск, Мариупол и сите други“, истакна Зеленски.