Секоја институција има свои надлежности, едни на обвинителството, судот, правобранителство и на крај Агенциајта за управување со запленет имот, вели претседателката на уставниот суд, Добрила Кацарска во Топ Тема, коментирајќи го случајот Трансмет, и неконфискацијата на имотот од 17,5 милиони евра, Кацарска иако се оградува, вели дека често се случува криминал, а не се покренуваат постапки за тоа.
- Судот мора да провери се пред да донесе одлука, верувам дека го направил тоа. Основно е дека тука некаде се направени крупни малверзации, понатаму секоја институција треба постапуав и има елементи за кривично гонење. Кој е тој кој дава гаранција на имот за да излезе од притвор, а притоа истиот го нуди? Но не можам да давам конкретни одговори и да кажам за предмети кои не сум ги работела. Често се случува да имаме очигледен криминал, а не се покренуваат постапки за тоа, вели Кацарска.
Секогаш може да се најде празина во закон, ниту еден закон не е идеален, но битно е да судот биде мудар и благовремено настапува таму каде што треба да настапува, дали со известувања до катастар и сл. Задолжитено да се води многу сметка и да се посветува многу внимание. Во тој вид на криминал основно е да се подмири штетата што е сторена на државата, тие пари се на граѓаните, и не може да осудите некој, а казната да не е наплатена, смета претседателката на Уставниот суд.