На списокот помилувани осуденици од претседателот Пендаровски е и Абдулфета Алими, член на Обезбедувањето на Собранието кој беше осуден за настаните од 27 април, а за кого претседателот на Алијансата за Албанците, Зијадин Села сведочеше дека му го спасил животот, ноќта кога беше претепан до непрепознатливост.
Алими е осуден на 6 години казна затвор. Тој за време на судењето рече дека постапил според наредбите на хиерархијата. Според Кабинетот на претседателот, помилувањата се спроведени согласно законска процедура, а сите лица кои се помилувани ги исполнуваат условите за такво нешто.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.