Украинските власти потврдија дека најмалку 70 војници загинале во руски ракетен напад врз нивната воена база.
Нападот се случи синоќа во Охтирка, во регионот Суми, кој во моментов е под опсада на руските сили.
Утрово спасувачите и итните служби се уште вршат увид на урнатините обидувајќи се да најдат преживеани.
„Украинскиот парламент штотуку им оддаде почит на војниците и напиша дека војниците биле убиени од проектили. Вечна слава на хероите на Украина“, напиша Парламентот на Твитер.
‼️ В Охтирці ворожі «гради» вдарили по військовій частині. Загинуло 70 військовослужбовців.
Про це повідомив голова Сумської ОДА Дмитро Живицький.Вічна пам‘ять та слава Героям України🕯
— Верховна Рада України (@verkhovna_rada) March 1, 2022
Претходно, шефот на регионот Суми, Дмитриј Живицки, во телеграма објави дека повеќе од 70 украински војници загинале откако руската армија со проектили погодила воена база во Охтирка, град меѓу Харков и Киев.
Живицки објави фотографии од јагленисани остатоци од четирикатница и спасувачи кои ги пребаруваат урнатините.
Во подоцнежната објава на Фејсбук, тој рече дека многу руски војници и некои локални жители исто така биле убиени за време на борбите во неделата, што досега не е независно потврдено.