Дипломатската офанзива на францускиот претседател Макрон заврши. Од рускиот претседател Путин доби уверување дека руските сили нема да ја засилат кризата во близина на границите на Украина, а украинскиот Зеленски покажа „ладна глава“. Макрон рече дека сега постои шанса да се „натераат овие преговори да се движат напред“ меѓу Русија и Украина и дека може да види „конкретни решенија“ за намалување на тензиите. Сепак, трајна деескалација може да се очекува во наредните недели и месеци. Тој исто така рече дека постои „заедничка определба“ за спроведување на договорот од Минск. Секое решение за кризата може да потрае со месеци, рече тој, но повтори дека Путин му рекол дека нема да стои зад каква било ескалација.
- Наша цел е во наредните недели и месеци да дојде до стабилизирање на ситуацијата, преку нови механизми на гаранции да дојдеме до трајна деескалација. Во тој контекст, ладнокрвноста која ја покажавте, воздржаноста која ја покажаа сите страни, на збор и на дело, се суштински, реле Емануел Макрон, претседател на Франција.
Украина постапува трпеливо за да спречи можна ескалација од руска страна. „Нашето трпение позитивно влијание врз другата страна“, рече украинскиот лидер. Зеленски рече дека намерите на Русија ќе бидат тестирани во конкретните дејствија во следните денови и во разговорите во Берлин во таканаречениот нордиски формат, меѓу советниците на претседателите на Франција, Германија, Русија и Украина.
- Многу позитивно гледаме на состанокот на советниците кој ќе се одржи наредните денови. Верувам дека после овој состанок постои можност, ако се е искрено, да се одржи состанокот на лидерите (нордискиот формат) и ќе можат да ја покажат својата искреност и карактер, рече Володимир Зеленски, претседател на Украина.
Москва стационираше повеќе од 100.000 војници во близина на границите на Украина, но децидна е дека нема планови за напад. А американскиот претседател, Џо Бајден, по разговорите со германскиот канцелчар Шолц се закани дека неговата држава е подготвена да го блокира и гасоводот Северен Поток 2, кој се гради под Балтичкото море, со цел да го удвои извозот на рускиот природен гас во Германија.
Европската унија не верува дека Русија може целосно да ја прекине испораката на гас, но не ја исклучува можноста за нивно намалување доколку бидат воведени санкции кон Москва.
Билјана Ставрова