Министерот за здравство, Беким Сали денеска официјално на прес-конференција го претстави новиот состав на Комисијата за заразни болести, на чие чело застанува проф.д-р. Александар Петличковски, а за лице кое ќе биде задолжено за комуникација со новинарите е назначен д-р Злате Мехмедовиќ.
Новоименуваниот претседател, д-р Петличковски порача дека целта на Комисијата ќе биде артикулирање на научните податоци и нивно имплементирање во нашата средина.
– Нема да работиме на принцип „во Англија ги фрлиле маските, тоа ќе го направием и ние. Нема толку еднострано да ги прифаќаме работите, ќе ги следиме сите научни сознанија по што ќе произлегуваат низа препораки. Од сите дискусии ќе произлегуваат препораките, а ние се обврзуваме да ги пласираме најновите сознанија, рече д-р Петличковски.
Петликовски додаде дека на првиот состанок на комисијата за заразни болести во новиот состав разговарано било за некои од најактуелните состојби со пандемијата во земјава меѓу кои почетокот на второто полугодие и најавениот скрининг на учениците, сертификатите за вакцинација и планот за работа на комисијата за заразни болести во наредниот период.
Претседателот на Комисијата за заразни болести, проф.д-р. Петличковски засега не се размислува за воведување на нови мерки и рестрикици, а во однос на скринингот на учениците ќе бидат опфатени 10.000 до 20.000 основците и средношколци по случаен избор.