Согласно податоците од Институтот за јавно здравје, во последните 24 часа направени се 2.562 тестирања, а регистрирани се 326 нови случаи на КОВИД-19. Евидентирани сe 242 оздравени пациенти, а починати се осум лица, информира Министерството за здравство.
Во текот на изминатите 24 часа регистрирани се осум починати лица, од кои три починати лица од Скопје (77г, 83г и 100г), две починати лица од Прилеп (68г и 69г) и по едно починато лице од Велес (71г), Виница (57г) и Кратово (53г). Од пријавените, сите се починати во болнички услови.
Од Министерството додаваат дека, согласно Регистарот на умрени лица со дијагноза КОВИД-19 од Мој Термин, пријавени се дополнително шест лица, починати во период од 25.10-11.12.2021 година. Починатите лица се од Скопје (3), Тетово (2) и Струга (1). Починатите лица се на возраст од 50г до 80г. Од пријавените починати лица, 4 се починати во домашни, а две лица во болнички услови.
Вкупната бројка на КОВИД-дијагностицирани лица во нашата земја од почетокот на епидемијата изнесува 220.169, бројот на оздравени пациенти е 206.903, на починати е 7.768, а бројот на активни случаи изнесува 5.498.
