Жителите на Кочани алармираат дека и оваа сезона дишат најзагаден воздух во источниот регион. Секојдневно објавуваат видеа и слики, како од нечиј фабрички оџак се загадува воздухот. Според еко активистите во кочанскиот регион има повеќе загадувачи. Сметаат дека единствен спас е користење на еко гориво.
Тодоров вели дека чекаат на поставување на дополнителни мерни станици, кои не се во системот на Министерството за животна средина. Граѓаните на екрани ќе може да видат каков воздух дишат. Од локалната власт посочија дека вклучени во проект во кој прво ќе ги откријат сите загадувачи, па ќе кројат план како да се справат со нив.
„Ние како општина Кочани заедно со Министерството за животна средина ќе работиме да ги идентификуваме загадувачите, што е прв и најзначаен чекор во борбата за намалување на загадувањето, но ќе го продолжиме и проектот за субвенции на клима уреди за да се напушти греењето со дрва“, вели Љупчо Папазов, градоначалник на Кочани
Енергетската криза сепак граѓаните ги предомисли годинава да се грејат на струја, па повторно ги активираат печките на дрва. Со години се говори дека решението е гасификацијата, но засега проектов тапка во место.
Истражувањата на експерти и на лабароториите покажаа дека домаќинствата се најголемите загадувачи. Високи 90 %, паѓаат на нивна сметка и се главните виновници за високите концетрации на ПМ честички во воздухот.
Викторија Јованова