Австрија го прошири заклучувањето за ковид на целата нејзина територија и ја направи вакцинацијата задолжителна од 1 февруари.
Новите мерки ги најави канцеларот Александар Шаленберг. Тоа доаѓа по разговорите со регионалните гувернери.
Претходно Виена објави национално заклучување за невакцинираните. Тоа сега е проширено и важи за сите.
Најновите податоци покажуваат дека инфекциите со ковид во Австрија се зголемени во последните недели. Дневните случаи се тројно зголемени, а стапката на инфекција по глава на жител во земјата е највисока досега оваа година.
Околу 64-66% од населението во Австрија се целосно вакцинирани против коронавирусот. Засега, се чини дека вакцинацијата ги намали смртните случаи.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.