Од денеска за влез во објектите потребен е сертификат со примени две дози вакцина или потврда за прележан Ковид-19 во последните 45 дена, сметајќи од денот на оздравувањето. Министерството за здравство апелира граѓаните да ги почитуваат мерките, да бидат одговорни и да се вакцинираат.
Засега нема да има препорака за нови рестриктивни мерки, бидејќи сегашните се сосема доволни, но дека треба да се почитуваат, сметаат од здравство. Носењето маски, држењето дистанцата, честото миење раце и вакцинирањето, се основните принципи на кои се темелат сите мерки во борбата со пандемијата. Здравствените власти апелираат граѓаните и оваа година како и претходните, ако можат да не ги организираат или да ги организираат претстојните слави во помал семеен круг.