Од утре влез во угостителски и други затворени објекти само со две дози вакцина или сертификат за прележан Ковид во последните 45 дена

Министерството за здравство информира дека почнувајќи од утре 15 ноември 2021 година за влез во објекти, е потребно сертификат односно потврда за извршена вакцинација од вирусот SARS-CoV-2, односно примени две дози на вакцина против заразната болест КОВИД-19 или сертификат односно потврда за прележан КОВИД-19 во последните 45 дена, сметајќи од денот на оздравувањето.

Од министерството апелираат граѓаните да ги почитуваат мерките и да бидат одговорни.

Ги повикуваме граѓаните кои сѐ уште не се вакцинирани , што побрзо да го направат тоа. Само со колективен имунитет може да го победиме вирусот, се вели во соопштението на Министерството за здравство.