ВМРО ДПМНЕ ја обвини за поткуп Општинската организација на СДСМ во Битола презентирајќи видео за кое тврдат дека се делеле црни вреќи на жителите од битолската населба Баир.
Случајот е пријавен во полиција.
Реакција на СДСМ на прес-конференцијата на Владимир Ѓорчев од ВМРО-ДПМНЕ:
Како што ќе наближува изборниот ден така ќе се засилуваат објавувањата на конструкции и измислици од белиот дворец, во обид да најдат алиби за убедливиот пораз што ги очекува ВМРО-ДПМНЕ и Христијан Мицкоски на 17 октомври.
Откако СДСМ ја предводи владата и институциите сите изборни процеси се фер, демократски, слободни и тоа е оценето и од ОБСЕ/ОДИХР и од сите домашни и меѓународни релевантни организации.
Поткупот, уцените, заканите, гласачи од Пустец, исклучување на лифтови, обид за кражба на доверлив изборен материјал беа одлика на владеењето на ВМРО-ДПМНЕ.
Така ВМРО-ДПМНЕ спроведуваше избори за што можеше целата јавност да чуе и преку објавените разговори и тоа граѓаните не го забораваат.
Затоа, на фер и демократски избори, на 17 октомври по седми пат ќе ја поразат деструкцијата на ВМРО-ДПМНЕ и Мицкоски и ќе им порачаат дека нема да се вратат назад во мрачното минато, туку продолжуваат напред со СДСМ и Најдоброто.