Европската Унија обезбеди донација за Државниот инспекторат за транспорт. Министерот за транспорт и врски, Александар Николоски се заблагодари до амбасадорот на ЕУ, Михаилис Рокас и порача дека сега Инспекторатот ќе може полесно и поефикасно да врши инспекциски надзор, да обезбедува поголема безбедност во сообраќајот како и подобра патна заштита.
„Благодарност до амбасадорот на Европската Унија, Михалис Рокас, за неговата лична посветеност во реализацијата на проектот, оваа донација не се само возила, туку и современ софтвер за следење на возилата, како и знаење и обука за инспекторите во Државниот инспекторат за транспорт. Оваа донација значи иднина“, напиша Николоски на својот „Фејсбук“ профил.
Министерот порача дека мора да се внимава на безбедноста на патиштата преку почитување на правилата.