Најголемата опозициска партија, ВМРО-ДПМНЕ, оцени дека оставката на Венко Филипче не е доволна, инсистирајќи дека е потребна и оставка на Зоран Заев, кого партијата го нарече, централен дел од пирамидата на нефункционирањето на системот.
Според ВМРО-ДПМНЕ, само оставка на Заев ќе гарантира независна и објективна истрага.
“Заев да не се крие позади оставката на Филипче. Овој народ виде оставки кои не беа чин на одговорност туку чин на амнестија, како што беше таа на Кирацовски или Рашкоски. Потребна е вистинска одговорност” – порачува ВМРО-ДПМНЕ.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.