Бројките кои сега ги имаме покажуваат дека бројот на заболени ученици е навистина мал, тврди министерот за здравство Венко Филипче. Според него минатата недела во 8 училишта од четири скопски општини имало по едно заразено дете, и според податоците од епидемиолошките анкети тие имале мал број на контакти. Денеска е потврден вирусот кај уште двајца ученици, од кои едениот е од Велес, и тоа според Филипче е прв позитивен случај кај ученик од внатрешноста на земјата.
Навистина е мал бројот на деца кои што до сега се евидентирани дека заболеле. Имајќи во предвид дека во текот на минатата година кога 40 проценти од вкупниот број на деца кои што одат во училиште беа со физичко присуство, и навистина незначителен беше бројот на деца кои што заболеа во училиште, сметаме дека еве сега и со овие протоколи и со искуството од минатата година, навистина ризикот е минимален. Доколку се почитуваат сите протоколи, децата се безбедни, рече Филипче.