Еск директорот на УБК Сашо Мијалков е под посебни безбедносни мерки исто како и клучниот сведок во процесот од 27 ми април, Александар Василевски Нинџа.
И двајцата се под специјален надзор во затворот во Шутка поради тоа што има висок ризик за нивната безбедност.
За Мијалков поради тоа што долго време беше шеф на УБК, а за Василевски Нинџа оти службите имале сознанија.
Тој од затворот во Штип беше префрлен во специјално одделение во Шутка.
Од управата убедуваат дека постојано се следи здравствената состојба и на бизнисменот Орце Камчев и на Бојан Јовановски кој од пред една недела ја издржува затворската казна.
И Поранешната специјална обвинителка, Катица Јанева за сега е во приемно но ќе биде сместена во единственото женско одделение кое се наоѓа во Идризово.
И последната група од 4 ца повратници од Сирија и Ирак кои учествувале во терористичката војска ИСИС се наоѓаат во притворот во затворот во Шутка. Таму за нив се изготвени и безбедносни и медицински протоколи.
Инаку во моментов зголемен број на специјалци го чуваат затворот во Шутка. Направен е нов план поради зголемен безбедносен ризик, па во координација со мвр на повеќе точки се распоредени полицајци. Од управата признаваат дека бројот на затворска полиција е многу мал во споредба со потребите особено во затворот Идризово.
Билјана Николовска