Австралија ќе испрати стотици војници во Сиднеј за да помогнат во спроведувањето со мерките за ограничување и карантнот. Од појавата на делта сојот на коронавирусот во јуни, регистрирани се речиси 3.000 нови инфекции и девет смртни случаи.
Војниците на австралиските одбранбени сили ќе поминат обука во текот на викендот пред да започнат со работа на терен в понеделник (2 август).
Карантинот што ќе биде во сила најмалку до 28 август, им забранува на луѓето да ги напуштат своите домови, освен за основни вежби, пазарување, шопинг, нега и други причини.
И покрај петнеделното затворање, продолжува дда расте бројот на новозаразени во најголемиот град во Австралија.
Во Австралија денеска се регистрирани 170 новозаразени лица со Ковид-19.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.