Билатералните прашања не смеат да бидат пречка за старт на пристапните преговори со Европската унија и Италија е една од земјите која притиска во Европскиот совет преговорите на Македонија со Унијата да започнат најбрзо што е можно.
Ова во интервју за Телма го вели заменик-министерот за надворешни работи на Италија, Бенедето Дела Ведова, кој е и поранешен европратеник и еден од основачите на италијанската либерална партија „Повеќе Европа“.
Во моментов Унијата носи одлуки по принцип на консензус и, како што вели Дела Ведова, за жал по тој принцип мора да се одлучува и за стартот на преговорите со земјава.
Тој меѓу другото искажува загриженост дека блокадата во ЕУ може да ги забави реформските процеси во земјава, но и дека членките на Унијата се свени оти мора да ги зајакнат врските со регионот бидејќи други земји се подготвени да ја пополнат празнината.
Со заменик-министерот за надворешни работи на Италија разговараше Тамара Грнчароска.