На истокот попладнево беснееја два големи пожари, едниот во Кочани, а вториот во Карбинци. Кочанските пожарникари се бореа со огнените јазици во близина Филтер станица за вода за пиење, а во последен момент е спречено огнот да се прошири кон првите куќи на ромското маало. Во Карбинци настрадаа две викенд куќи, препумпната станица за вода за пиење, фотоволтаична централа, шумски појаси и околу 100 хекатри земјоделско земјиште и култури. Од една од викенд куќите во последен момент двајца полицајци и месното население евакуирале три лица.
Пожарот во атарот на Крабинци почнал во 16 часот, пожарникарите и месното население тешко се справивало со огнените јазици поради силниот ветар.
– И покрај брзата интервенција од противпожарната единица, коишто со четири возила и дваесеттина пожарникари и месното население беше со земјоделска механизација, меѓутоа не успееја да се спротистават на силниот ветар, којшто се уште беснее и дополнително го отежнува гаснењето на овој пожар, вели Насев.
Мештани се категорични дека пожарнот не е настанат од стрништа, туку според нив огнот почнал да се шири во близина на трафостаницата.
Пожарот е ставен под контрола да не се шири кон селата Радање и Таринци, пожарникарите и месното население се уште се на терен.
Викторија Јованова