“Владата на Македонија го заврши процесот на репатријација на државјани на Македонија од Сирија и Ирак за 4 мажи – странски терористички борци, 5 жени и 14 деца. Процесот е спроведен согласно обврските на Македонија кои произлегуваат од меѓународното право, меѓународното право за човекови права, меѓународното хуманитарно право, стандардите и резолуциите на Советот за безбедност при Обединетите нации, соопшти Владата.
Телма дознава дека авиот слета околу 22.30 на скопскиот аеродром, по што полоцискиот конвој пристигна во полисиска станица Пролет, која под засилено полициско обезведување беше уште од 18 часот, а пристапот кон околните паркинзи беше забранет. На екипипата на Телма не и беше дозволено да снима.
“Против четворицата странски терористички борци, по претходно обезбедени докази од страна на Министерството за внатрешни работи – Бирото за јавна безбедност, и во координација со Агенцијата за национална безбедност, поднесени се соодветни кривични пријави во согласност со националното законодавство. Поради нивна недостапност на органите на прогонот, за истите имаше распишано меѓународни потерници, а во нивно отсуство, определена е мерка притвор, со решение на надлежен суд.
Репатрираните жени и деца ќе подлежат на 14-дневен здравствен карантин на доброволна основа и неопходни лекарски прегледи, согласно Законот за заштита на населението од заразни болести, со цел заштита на јавното здравје. Во наредниот период, надлежните служби ќе работат на обезбедување докази за можно учество во инкриминирани дејствија, за секој случај поединечно. Со исклучување на можноста за нивна вклученост во дејства кои подлежат на казнено – правна одговорност, почитувајќи го во целост начелото на доброволност, ќе почне процесот на нивно рехабилитирање, ресоцијализирање и реинтегрирање во заедницата, односно во општеството.
Сите мерки и активности кои се преземаат од институциите се базираат на обврските од Националниот план и процедурите за реинтеграција, ресоцијализација и рехабилитација на повратници од странски војски и членови на нивните семејства, усвоени од страна на Владата на Република Северна Македонија, а за чија координација и имплементација е надлежна канцеларијата на Националниот координатор за спречување на насилен екстремизам и борба против тероризам”, соопшти Владата.