Небезбеден магистрален пат, село без канализација, живот во ѓубре и безброј диви депонии. Ова се најчестите забелешки и проблеми со кои се соочуваат жените од струмичко Босилово. Нивните барања и проблеми не се ниту нереални ниту неостварливи, но со години нема решение и им го прави животот на село потежок. Според психологот Лидија Манушева, жените во руралните средини потешко ги адресираат своите потреби до општините.
Манушева како дел од проект на Организација на жени Струмица се обидува да ги мотивира своите сограѓанки да бидат погласни и поодлучни и да се изборат за своите потреби. Токму затоа во следниот период ќе ги застапуваат приоритетните потреби на жените од Босилово.
И досегашните истражувања и анализи на државно ниво покажуваат помала економска самостојност и независност но и мала вклученост на жените од руралните средини во општествениот и политичкиот живот. Во руралните општини не е голем бројот на жени во општинските совети и на раководните функции.
Сузана Мицева
