Меѓународната заедница го препознава значајниот напредок што го направи Северна Македонија и храброста да се постигнат овие рршенија. Уште многу работа останува да се направи и отворањето на преговорите со Европската Унија е почеток на процесот што ќе налага натамошна посветеност, ова вечерва во Охрид го изјави помошник државниот секретар на САД за Европа и Евроазија Филип Рикер, на отворањето на конференцијата „Патот до Преспа“, во рамки на првата Меѓународна конференција на Преспа форумот за дијалог.
Рикер подвлече дека САД стојат зад Северна Македонија како сојузник и како пријател.
Американскиот дипломат Филип Рикер побара од Македонија да ги зајакне реформите за да обезбеди просперитетна иднина за нејзините граѓани.
Тој во своето обраќање на форумот за дијалог Преспа, истакна дека Македонија треба да направи уште многу во процесот на пристапување кон Европската унија да го зајакне владеењето на правото, да се справи со корупцијата и да ја зголеми транспарентноста.
