Предлозите на португалското претседателство за надминување на спорот меѓу македонија и Бугарија кои денеска беа презентирани на бугарскиот државен врв се неприфатливи за официјална Софија.
Според информациите на бугарските медиуми, во предлогот е предвидено Македонија да се согласи дека македонскиот јазик е кодифициран во 1945 година и двете држави да дистрибуираат еднострани декларации за краткото и долгото име на Република Северна Македонија и учествои на странски експерти во историската Комисија.
За Бугарија ова е спорно бидејќи не се задира во сржта на проблемот, односно коренот на македонскиот јазик и идентитет кои според официјалниот став на бугарскиот државен врв се бугарски. Во Софија коментираат дека предлозите се модификација на оние за кои минатата година Македонија и Бугарија преговараа во берлин и за кои не се најде заднички јазик а фактот што во предлогот се споменуваат „црвените линии“ на Македонија го оценуваат како преседан.
Во Софија има и забелешки што предлогот предвидува македонските власти да изготват „патоказ“ за исполнување на договорот и обврските а Бугарија е лишена од можноста да реагира доколку Македонија повторно не ги исполни своите обврск
Бугарскиот шеф на дипломатијата Светлан Стоев, по средбата со потругалскиот колега Сантош Силва изјави дека Бугарија е подготвена за дијалог во дух на контструктивност и воспоставување на добра атмосфера. Тој смета дека Македониај мора да превземе конкретни позитивни постапки за да се воспостави дијалогот на највисокот ниво а Стоев додаде дека е подготвен и за средба со македонскиот шеф на дипломатијата Бујар Османи.
Шефот на португалскатѕа дипломатија, Аугусто Сантош Силва, по средбата со Радев и Стоев соопшти дека проширувањето на Унијата кое беше приоритет на Бугарија во 2018 година е приоритет и за Португаија и дека е исклучително важен процес за Унијата. Тој истакна дека ќе ги земат предвид бугарските забелешки и предлози околу за старт на преговорите на македонија и Албанија но и за Србија и Црна Гора.
Еврокомесарот Оливер Вахјеи пак кажа дека е клучно да ги чујат бугарските ставови за да може да се дифнираат следните чекори околу за проширувањето на Унијата.
Силва и Вархеји попладнево доаѓаат во Скопје каде што ќе имаат средби со претседателот Пендаровски, премиерот Заев, вицепремиерот Димитров и шефот на дипломатијата Османи и ќе го презентираат планоот со предлозите за надминување на спорот со Бугарија и стѕарт на преговорите со Унијата.
Огнен Чаначаревиќ