Од Делегација на ЕУ ја соопштија агендата според која утре претпладне Вархеји и Силва се во Софија каде ќе имаат средба со бугарскиот претседател Румен Радев и техничкиот премиер Јанев а попладенот во Скопје се закажни средби со претседателот Пендаровски, премиерот Заев, вицепремиерот Димитров и шефот на дипломатијата Османи.
Османи информираше дека контакт со техничката Влада во Софија е воспостставен и остана на ставот дека со нив може да се разговара. Тој доаде дека се покажаа како погрешни информациите дека за Португалија нема да биде приоритет проширувањето на Унијата и старот на преговорите на Македонија.
Амбасадорката на Германија, Анке Холштајн, потврди дека Португалија подготвува предлог но нагласи дека не ја знае содржината и додаде дека се надева на согласност од Македонија и Бугарија и конечно усогласување во пресрет на одлучувачкиот Совет за општи работи на ЕУ закажан за 22 јуни.
Премиерот Зоран Заев во вторникот го најави засилениот ангажман на Португалија за надминување на спорот со Бугарија и страт на преговорите пред работната вечера на лидерите на државите од Западен балкан со европскиот шеф на дипломатијата Жозеп Борел.
Огнен Чанчаревиќ