Добар дел од туристите кои се на летување во Охрид ќе си заминат со дваесет евра помалку во џебот затоа што сончајќи се заборавиле на основната заштита од Ковид – маска за лицето.
Полицијата освен со насилниците има многу работа и на плажите низ градот велат за Телма од СВР-Охрид.
Во билтенот на МВР е регистрирана и тепачка помеѓу скопјани на плажа во градот, нападнат сопственик на апартман, пронајдена дрога во возило на брегот на езерото.
Сцени како од акционен филм се случуваат во Охрид за време на продолжениот празничен викенд. Прекршителите на редот и мирот се претежно млади лица на дваесетина години.
Порталите објавуваат и фотографии дека ниту ноќниот живот во градот не трпи додека вирусот се уште претставува закана.
На кејот собрани луѓе еден до друг со никакво растојание помеѓу нив. Летуваат и се забавуваат во туристичкиот центар додека на фотографиите се гледаат маските закачени на рака, наместо да бидат покриени носот и устата, како што со месеци препорачуваат здравствените власти.
Петар Догов