Свиткани, на само 30 сантиметри од машина за шиење, или пак осум часа стојат во едно место, прашина и хемиски супстанци од текстилниот материјал, вака текстилните работнички го опишале своето секојдневно работење во студијата Безбедност и здравје при работка во македоснката текстилна индустрија. Текстилната работничка, Снежана Костадинова вели дека таа и нејзините колешки од работата на машина заработиле неколку болести.
Првото професионално истражување од Гласен Текстилец и тим на експерти покажа дека една третина од работничките во овој сектор имаат потврдена дијагноза или состојба, а останатите работници се во ризик. Универзитетскиот професор од Медицинскиот факултет – Скопје, Елисавета Стикова вели истражувањата покажуваат дека на работниците во овој сектор најмногу им страда видот, поради природата на работата.
Милан Петковски од Здружението за здравје при работа на текстилните работнички забележа дека во овој сектор не само што им се газат работничките права туку и правото за безбедни работни места. Според него текстилството може да издржи уште десетина години. Со возраста на работниците и условите во кои работат нема да привлечат млад кадар.
Студијата „Безбедност и здравје при работа во македонската текстилна индустрија“ ја направи „Гласен текстилец“ преку анкета, а предмет на истражување беа и 6. 000 резултати од систематски прегледи на текстилни работници.
Викторија Јованова