Локалитетот „Била Зора“ кај Свети Николе по неколку години повторно ќе се истражува. Научници и студенти од скопскиот Филозофски факултет ќе бидат дел од истражувањата. Деканот, Ратко Дуев вели дека локалитетот бил престолнина на Пајонците и еден од најзначајните во Европа. Токму овој локалитет може да привлече само 5.000 научници од целиот свет.
Светниколската локална власт најави дека ќе се ангажираат околу експропријација на земјиштето, бидејќи локалитетот се простира на околу 32 хектари. Досега археолозите истражиле само дел од кралската палата.
Но, пред да се истражи ќе треба да се конзервира, односно да се заштити она што е откриено. Скалите се изронети, има паднато и една од фреските на ѕидовите. Министерството за култура лани најави дека елаборатот е готов за конзервација, сега се чекаат парите.
Викторија Јованова
