Состојбата со пандемијата во двете држави, како и отстранувањето на превентивните мерки за влез и излез – биле една од темите на синоќешната средба на лидерот на ДУИ Али Ахмети, придружуван од сите министри од оваа партија во македонската влада со косовскиот премиер премиерот Албин Курти, кој бил придружуван исто така од дел од министрите во неговата влада.
Во соопштението испратено од ДУИ пишува дека се разговарало и за патот Тетово – Призрен, автопатот Приштина – Скопје, заедничкото гранично управување, заедничкиот туристички центар во Попова Шапка и Брезовица, политичката ситуација во регионот, дијалогот меѓу Скопје – Софија и Белград – Приштина.
„Двајцата соговорници разговараа и за поврзувањето на нашите два автопати Приштина – Блаце – Скопје, проект со многу приоритети за двете страни и кој се очекува наскоро да биде завршен. Ахмети и Курти договорија и интензивни чекори во однос на заедничкото управување со границата и заедничкото претставување на туристичките капацитети меѓу Попова Шапка и Брезовица“ – пишува во партиското соопштение од ДУИ.