36-годишна ќерка и нејзините родители од Тетово починале по компликации од ковид 19 во период од една недела.
Тројцата починале во домашни услови и не биле хоспитализирани во болница. Доктор Миранда Пајазити од тетовскиот Ковид центар вели дека сите имале коморбидитети.
Доктор Пајазати вели дека има повеќе случаи на неколкумина заразени во исто семејство, а дополнителен проблем е што дел од пациентите не се јавуваат навреме на лекар, така што развиваат тешка клиничка слика.
Лекарите постојано упатуваат апели до граѓаните да бидат одговорни, што подразбира вакцинација и почитување на мерките, а доколку добијат позитивен тест на ковид 19 веднаш да се изолираат.
Инаку во последните 24 часа во Клиничката болница во Тетово починаа 2 пациенти на возраст од 40 и 60 години. 14 лица биле примени, а 10-мина испишани, така што хоспитализирани се вкупно 108 пациенти, од кои 106 на кислородна поддршка, а двајца на респиратор.
Данијела Билбилоска