Вработен во МВР нападнал колега на крстосница во Тетово. Инцидетот го забележале и снимале граѓани од кафетерија во близина и на снимката се гледа дека интервенирала и полицијата. Детали што се случило и кои се причините и дали еп оврзано со изборите од МВР не откриваат, само потврдуваат дека попладнево имало настан кој ќе треба да го расчистува и внатршената контрола.
Денеска (15 јули) во 15 часот и 55 минути пријавен е инцидент на улица „120“ во близина со крстосницата со улицата „Борис Кидрич“ во Тетово. Информиран е одделот за внатрешна контрола и се работи на расчистување на случајот, велат од МВР.
Од МВР информираат и за други пријави во текот на денот поврзани соизборите. Во полиција било пријавено дека во Шутка претпладнево граѓанин со возило ги носел соседите на избирачкото место и ги убедувал за кого да гласаат. Во Кочани пак имало повеќе пријави, една е за агитација на избирачки места, друга за евиденција на гласачи а трета за делење пари. Фотографирање на избирачи е пријавено во Ранковце а во Крива Паланка агитирање. Вакво прекршување на изборниот ден е регистрирано и во Прилеп и во Ново Село. Во Битола пак има пријава за нудење пари за гласање.
Оценката и на обивнителстото е дека изборите минуваат генерално во мирна атмосфера, без значителен број изборни нерегуларности.
По слични пријави постапува и обвинителството, односно Комисија за следење на нерегуларности поврзани со кривични дела против изборите и гласањето.
Во основните јавни обвинителства и на електронската адреса [email protected] на која граѓаните можат да пријават сомнение за сторено кривично дело поврзано со изборите и гласањето, пристигнаа вкупно 10 известувања за настани случени денеска, во тек на гласањето. Поголемиот дел од нив се однесуваат на агитирање и давање поткуп за гласање за одредени политички партии. Две од известувањата се однесуваат на лица кои го сликале сопственото гласачко ливче при остварување на правото на глас, соопштуваат од комисијата.
Од обивнителството известуваат и дека Основач на граѓанска организација испрати известување за наводни изборни нерегуларности кои се вршеле преку агитирање на социјалните мрежи.
Елена Ивановска Мукоска