Ден по невремето што го погоди Скопје, паднати дрвја, искршени огради, урнисани дворови и откорнати фасади и натаму се на улиците по силната бура со која се соочи главниот град.
Во општина Карпош речиси нема двор, паркинг или детско игралиште без паднато дрво. Општина Карпош соопшти дека пријавувањето на штета може да се изврши на бројот 071-322-790, каде жителите треба да ја наведат точната локација и кратко да го опишат проблемот.
Во ОУ „Вера Циривири-Трена“ во скопската населба Карпош, откорнати се неколку големи дрвја, што паднале врз оградата и врз детските реквизите поставени во училишниот двор.
Слична е сликата и во повеќе населби во Градот, каде огромни дрва се искорнати и паднати
Од Општината велат дека се расчистуваат последиците – и вклучени се тимот на јавна хигиена во Општината, членовите на кризниот штаб, единицата за заштита и спасување, вработените во општинската администрација, месните и урбаните заедници.
Град Скопје објави телефонски броеви на кои можат да се пријавуваат штети од невремето – 112, 072-314-929, 072-314-909 и 02/3297-204.
За пријавување паднати дрвја на територија на Гази Баба достапен е бројот 075 320 178.
За пријавување на штета во Центар достапни се броевите 075 219 068 и 076 350 767.
Во Кисела Вода двата броја за пријавување штети се 072 250 719, а во Бутел 078-517-344.
