Лишени се од слобода три лица кои минатата недела на подрачјето на Гази Баба физички нападнале и прободеле со нож малолетник .
Според полицијата нападот се случил околу 23:05 часот на 22 јуни кога тројцата Ј.Ј, В.А и В.С од Скопје го нападнале 14 годишното момче и му нанеле повреди со остар предмет.
Според родителите на момчето, напаѓачите без причина започнале физички да го удираат, по што едно од лицата извадило нож. Од повредите, детето паднало во несвест а тие побегнале оставајќи го повредено да лежи на земја. Го пронашол случаен минувач кој повикал Итна медицинска помош и полиција.
Момчето било пренесено во Ургентниот центар каде што е оперирано.
Од полицијата не дадоа повеќе детали за уапсените освен дека со нив се извршени службени разговори и по документирање на случајот ќе биде поднесена кривична пријава.