Загинаа 21 лице, повредени 61 – експлозија во фабрика за огномет во Кина

Дваесет и едно лице загинаа, а 61 се повредени во експлозија на фабрика за пиротехнички материјали во централната кинеска провинција Хунан, соопштија локалните власти.

Над 480 пожарникари во пет тима беа мобилизирани за гаснење на пожарот и спасување на животи, а беа распоредени и три спасувачки роботи.

Местото на експлозијата се наоѓа во близина на складиште со барут, па спасувачките екипи го евакуираа најнепосредните соседи и поставија тампон зона со цел да спречат секундарна несреќа.

Во тек е истрага за причините за експлозијата, а полицијата го приведе одговорното лице на компанијата.