Ситуацијата со горивото за воздухопловство во Европа за цивилни летови е покритична отколку што е објавено. Во пресрет на активната сезона на летни празници, европските земји се соочуваат со сериозен недостиг на керозин.
Се очекува моменталните залихи достапни за повеќето земји на Стариот континент да се потрошат помеѓу втората и третата недела од мај – вклучувајќи ги и последните залихи што пристигнуваат по море од Персискиот Залив. Објави денес италијанскиот весник „Кориере дела Сера“.
Според весникот само две земји во Европа имаат резерви на керозин за вонредни ситуации за 90 дена, додека повеќето не би преживеале криза што трае повеќе од 30 дена, објави весникот, повикувајќи се на три информирани извори во европските институции.
Европа увезува 43% од своите годишни потреби за гориво за воздухопловство од Персискиот Залив.
Моменталните залихи на керозин не се доволни за да се соочат со подолга криза, како што е затворањето на Ормутскиот теснец од страна на Иран.
Некои земји во Европа имаат резерви само за 8-10 дена, велат изворите на „Кориере дела Сера“. Според нив, голем број аеродроми веќе неколку дена се соочуваат со недостиг на керозин, но официјално не го пријавуваат тоа, бидејќи прашањето е многу чувствително.
Европските рафинерии за нафта веќе работат со полн капацитет и поголемо зголемување на производството во текот на шпицот на летната сезона е невозможно, потврдуваат сите три извори. Затоа, месец мај ќе стане пресвртница, предвидуваат новинарите.
Доколку дотогаш не пристигнат повеќе бродови од Персискиот Залив, прво може да започнат повлекувањата од стратешките резерви, а потоа може да се прекинат испораките на керозин до аеродромите во некои земји.
Експертите веќе идентификуваа неколку источноевропски земји, како и неколку помали земји во западниот дел на континентот, како најранливи.
Според публикацијата, Италија има резерви за 30-60 дена.
Целиот текст можете да го прочитате на следниот линк.
Дигитална обработка: Б.С.